meteo
Par le jeudi 17 décembre 2009, - Lien permanent
fa pluèja o lagremas ? o benlèu qu'aquò's lo solelh que lagremèja, dessùs la pluèja dels uèlhs. las gazas, las bandas, la sang, los claus, raissas de claus e d'agulhas. amb una monina de plastic cèga. tot çò que comprenes pas e qu'escafas. çò que vòs pas véser, las nafras que talhas a plen èime, l'oblit, la font de plors, la deserança. l'agach perdut, la mirada que pèrdes, las tachas que clavas a la carn nòstra. l'agulha qu'afustas. lo gorg e la pèl nuda. la sang tot al fons. tot çò que lècas coma tacas pels lençòls. sang sagnat.
la sang cordura-te la als uèlhs.
farà tresluc a liuces de claus.
Commentaires
S'es tornat lo rei gadal, un pauc transexuat, un pauc plastificat, lo Rei Don Sebastian qu'esperava Pessoa ? Mancietenca l'espèra, davant la mar tombada, l'espèra es sens espèr, ja que desesperança. L'avenidor dels uèlhs clucats sus un endintre vuèg e van de solesa celuloïda, l'as aquí, ton pòble, a l'espèra de qualque dignitat mancada, de revistas abandonadas en lenga de salmoira negra, gran d'arena subre la platja que s'i van negar los poètas.
Un jorn pro selhelhós per un rai d'engenh sèc, òsca jaumesp !