HURRAH !!! FLORA CHAN LO RETORN
Par le jeudi 22 juillet 2010, - Lien permanent
Lo Roman de Flora Chan
Dosena partida
112
Sus tot aquò e sul demai reinava e senhorejava l’Indomptable. L’Indomptable èra marcat negre sus negre sus un cairat negre encolonat de malbre blanc pintrat en negre. Se ditz qu’èra, e qu’es, puèi que lo temps li escapa.
113
Sus tot aquò doncas, coma sul demai, reina e senhoreja l’Indomptable. L’Indomptable es marcat negre sus negre sus una colona blanca de malbre pintrada en negre. O de malbre negre pintrat en blanc puèi en negre, aquò depend de las interpretacions, e subretot mai que mai aquò’s ligat a de variablas que son pas invariantas coma zo sabetz plan totes (per exemple un camp de bandats pòt cremar tot subte e devenir tot negre tot d’una e dins lo même temps istoric de bandats finir cremats tot d’una de subte).
114
D’aquel temps, invariaplament, Flora Chan gemegava. Gemegava coma un relòtge menat de man de mèstre. Regularament e amb intensitat. Una intensitat que fasiá monta-davala segon lo temps d’una segonda a l’altra. Los que, nombroses, darrièr lo relòtge, veson la man de l’Indomptable engatjan pas qu’elses.
115
Flora, de man de mèstre, gemegava.
116
Coma, varianta non variabla, lo temps escapa, Flora gemega. De man de mèstre.
117
L’Indomptable estent lo mèstre e Flora gemegant de man de mèstre, n’i a qu’afortisson que Flora gemega de man de l’Indomptable.
Commentaires
N'i aurà tanben per afortir que l'Indomptable manejava de gemèc de Flora, e mai que lo gemèc indomptava de man de Flora, mentre que la man florejava de gemècs d'Indoptable ! E pasmens, gemegava, la Flora, e de man de mèstre ! Ne boti ieu lo fuòc a la man sul prat dels cremats, que bandats estant, brandan plan mai, estant l'inflamabilitat volatila dels espirituoses celestials.
E.S.