to be or not
Par le vendredi 3 décembre 2010, - Lien permanent
soi la cavala d’abraham lincoln quand a la batalha de lepanta copèt lo braç de cendrars soi lo braç de diego de la vega quand amb l’espada faguèt zigazaga sul ventre d’orson welles soi lo buf copat de joan-francés mariòt a santa barba quand s’estofega de cridar de poèmas en lenga soi la lenga de federico garcía lorca quand amb dins la man una flor de cotèl se passèja a new york e soi la flor de cotèl de new york quand joan-pèire tardiu pel mièg de las quatre rotas fa la gacha e la gacha a las quatre rotas quand nikos kavvadías se far tatoar pel cinquanten còp la serena d’ulisses sus la pèl e ulisses quand espèra e que ven pas sus l’iscla encara un còp e tanben la sirèna que degus espera pas e tanben soi l’olivier lamarque quand tolha lo burre dels drapèus sens patria e sens lenga e sens poèma e lo chinés grèc que buta fuòc al causse en fasent tindar lo kombolòi quand passa davant la mòstra de castan e soi la mòstra quand tinda l’ora e qu’espètan las segondas de l’espèra e tanben lo kombolòi que penja a la pòcha d’antonin artaud quora sortís de paraire per anar biure un roge carrièira de la bulièra e carrièira de la bulièra fau lo monta-davala en esperant que venga e jamai ven pas e l’altan bufa e l’altan bufa aicí aquò’s lo mèltem que bufa e espèri coma espèran los grècs e los chinéses e tanben lo pakistanés de la platja esperam marinon totes e marinon ven pas es demorada ela del costat de crespin a broa d’un caminòt e espèra que venga soi un marinon qu’espèra marinon e marinon ven pas i a cisampa per las carrièiras e l’aicí e jack kerouac i espèra el tanben a una flor de cotèl dins la man e john foglight passa amb son capèl de china crenta pas lo frech e lo paure el tanben espèra marinon coma bodon qu’a perdut lo beret e que chimpa un chaudèl dins la sang d’heraclès al cafeton del canton a omònia al fons de la rèire-sala i a bernat manciet que fa virar una ròda de bicicleta el atanben espèra marinon mas aima pas los chaudèls.
Commentaires
Quin modèste, aquel jaumesp. Ieu que lo coneguèri mai que plan, del temps que lo seguissiái tra las selvas de Viaur per i anar quérrer de cairats negres perfaits, vos pòdi assegurar que nos es plan mai que non pas sonque aquò.
Mas es d'una umilitat que se pòt pas dire…
umilitat luòga de debilitat ... aquò se sona un lapsus, non ?
Car Joan, Cavalièr de Decembre a ne creire mon calendari revolucionari,
L'umilitat del proletari passa sovent per de debilitat d'has-been o de maquina-de-pèrdre als uèlhs dels que los clucan tre que se veson tals coma son.
Manteni ieu, en manteneire de lalengo, que lo jaumesp. a l'umilitat sagataira de la kalachnikov del Che se carpinhant amb las moscas que nos saufinhavan las tòmas de Rocafòrt sul Larzac de la Mòstra que gardarem se n'avèm léser…
Derision val desillusion, e de la desillusion sonque pòt venir l'enlusiment, per qual se remembra de Barlaam e Josafat, del temps que Marta fielava de caucetas rotjas pel cambarada Zinoviev d'Elèa, fisèl servidor de Flora Chan l'inegalabla…