còp d'uèlh
Par le mercredi 31 août 2011, - Lien permanent
Alquezar, Aragón. ( fotò : Joan-Pèire Tardiu )
La Talhada
I ounde di pra toumben dins lou mar dedins
i bisounà soun de port drubert
e i arbou soun de bateu a la ribo,
i bosc soun isclos que l’auro dalonh desperd
tu eslonges i bras ai catre cant
e tuches tuchi i desavers.
Ilai l’erba es d’aiga e de cel
l’auro es de tubo e de lach
se chamines lou camin cour
se te seites la terro t’escarabio
e i serri soun de pousses
que lou pe caressio.
Chapui i vaches soun de niules
charde, ferme dedis lour cel
-couro l’escur dla sero mounto en aut
e se pend al Camin d’Sant-Jaume -
lou casei es en moulin ferm
que enfarino amour.
Chabal dalonh dins la nuech
lou mounde muer dins soun fol silensi
i fueies dal tilhu sun es un nòu dire
e l’estelo un apax aut. E l’aire
l’aire es en pan que l’ome mastia
mastia e arubo ren a manjar.
Commentaires
Mas ! La reconeissi, ieu, aquesta Talhada ! Aquò's lo quite endreit que Robèrt Lapompa, ja forçat un brave parelh de còps per totas las furias del MLF sul Pòg de Montsegur, s'èra anat far talhar a tròces e bocins per totes los cavalièrs omosexuals occitans en 1057, dins l'encastre de la Gay Saber Pride qu'avián passejat per Aragon a çò de sos amics musulmans e poètas de Lorevisto !
Quand òm sap que La Talhada es l'ostal del Mèstre Jaumes, tot s'explica. La Talhada es lo Centre del Centre que demòra ça que la bravament endefòra, talvèra bastisseire ont tot se farga.