34°48′N 24°08′E
Par le mercredi 14 avril 2010, - Lien permanent
e se vòlon tombar de las escuras
las pus puras
los àngels amb las cuèissas
e los ventres naut e bas
confondut
tot
las pèls amb los pelses
de luna
pels
bartasses las romecs
a l’escorgada
e los tamborns
en secotidas alucadas de
tèrmes
a l’ora de tot
ara
pas res mai
dins la padèna
ont tranla
tota grava
pels sègles dels sègles missa est
en tombadas bèlas
la tiá pèl
t’èsta plan
coma un gant
a revers quant
me pèlas
quand
se vòlon tombar a las escuras los tieus àngels als romecs fonduts a l’ora del tèrme tambornarà la secotida bèla de las cuèissas alucadas me pèlas m’enfornas al tèrme mut de las bòlas l’erosion ièratica de la pèira-negra estofega la suja -cap de crit- nafra pèira de fetge ficada petaçal de sistres posca en boca pegada e dins la sala i a pas qu’un ieu amb una mameta un cafè grec tròp frech e un veiron d'entresièis
Commentaires
Per çò qu'es de seguir la casuda dels àngels, s'i cal pas enganar. Son pas tombats dels cèls en lisant tot lo long de qualques cuèissas doças !…
Mas es per ailà, es tot segur qu'i poiràn remontar !
I boti ma man, ben al caut, ben a l'endintre !
Çò segur.
E tot lo demai…
E rai s'es tròp fred lo cafè ! La carn es mai que mai gaujosa e me demòra tot un sant fum de libres de legir que degun jamai pus me poirà pas escriure.