gardarem lo pas res

Commentaires

1. Le vendredi 16 avril 2010, par Joan-Claudi Bòsc, universitari

Aqueste sembla roman pietadós es la vergonha de la Literatura d'Òc. Aquò es pas que de pornografia amagada e mal escricha que met en escena de monde plan coneguts, poètas, poètessas, e escrivans de tria. E sabem plan ont se vòl plantar la sageta d'aqueste jaumesp. qu'es pas que lo nom amagat de Jaumes Privat qu'aviá dejà escupit sus nòstra bèla lenga dins de poèmas que vòlon pas res dire.

Ne deurà rendre compte.

J.C. Bòsc

2. Le lundi 10 mai 2010, par Joan-Pau Artiga - plurivesitari

Car Joan-Claudi,

Vos cal entressenhar melhor, mai que de far lo mariòl davant las estudiantas esbaudidas dins las vòstras universitats tengudas d'ara enlà coma tot çò mai per la logica del grand capital crestador e cinic !

Pornografia amagada ? Vos ai vist, ieu, sus Youtube, far ziga-zaga amb Flora Chan per las carrièras d'Atènas, en plena crisi financiària, del temps que lo pòble tot èra a las angónias !!! Vos an filmat ! E òc, cal pas far bèl bèl, car amic ! Sètz de plan longtemps repairat !

E puèi, tè tu tè ieu, vos senhali pas qu'en passant que tot lo comitat de lectura intergalactic de la revista òc, recampat a l'entorn del grand Artistidi Roqueta, nos sèm aplegats, fa pas gaire, per trabalhar la via del Tantra Yoga, que, coma o sap tot poèta vertadièr dempuèi Cercamon, desliura la Kundalini que vos roiga encara a vos lo trauc d'aisença, del temps que mercés a la grand Prièra Flora Chan, coneissèm ja totes los mistèris d'Elèusis e los secrets que permetèron al grand J.F.B. del clapàs de nos bastir de ciutats de l'azur !

Per quant a Jaumes Privat, fa longtemps que sabèm qu'es pas qu'un pintre escalprador, un plastician que se crei poèta, e que son "negre", son servicial, son esclau literari es pas que jaumesp. qu'ensaja de fugir coma o pòt la furor pansexuala iniciatica dionisiaca de Flora Chan l'aluserpida !

Abans de mal dire e d'ensajar de colhonar totòm sul net, entressenhatz-vos, o anatz contar las vòstras nhòrlas dins aquestes collòquis qu'i parlatz pas qu'entre vosautres, e en francés encara !

Lo jorn que faretz non pas de vèrses, mas de poèmas, criticaretz los non-poèmas en non-lenga d'aiceste grand mèstre del Tao literari qu'es En jaumesp.

Vos cal pas confondre jaumesp. lo Conquerridor amb Flora Chan, lo con querridor !

Ne remdem compte, vos coma ieu !

3. Le mardi 11 mai 2010, par JP

Car Joan-Pau,

I a un pichòta engana dins çò que disetz :
Es pas la furor pansexuala de Flora que fugissi, mas si ben l'ira furiosa e la talent nonsexuala mas estrangolaira e totalisanta de Lola. Dejà m'a estacat al rebat d'una colona sens fons, lo malbre miralhat es frech e l'estiu se fa esperar. Baste venguèsse Flora amb sa colèra pansexualisanta me desliurar !
JP