Una indiscrecion de tria
Par le samedi 5 novembre 2011, - Lien permanent
Se conta dins los mitans los pus autorizats que lo jaumesp. lo grand menaire de la Contra-Reviudança e del Rebiscouol Moncat Reunits metriá a'n'aqueste moment tot bèl just exactament sul pic la darrièira man a la redaccion d'un ensag saberut tras que saberut que farà data. N'i a qu'afortisson jol mantèl que lo títol d'aquel obratge que los dreches ne son dejà estats reservats pel Grand Editor LasRrevistas Reünidas & Cie™ seriá sens cap de reservas Las òrras oras del temps banut, definitiu ensag sus l’influencia de la limounado de forlobica dins la recounquista de çò perdut e lo demai, seguit de Chaudèls e vin canin, variacion. L’obratge contariá pas mens de 1244 paginas. L’editor nos precisa que vist lo còst de l’afar ne serán imprimidas pas qu’una pagina sus doas, e las nòtas remandadas a las Calendas Grècas en esperant que tòrne senhorejar la Dracma.Totas causas que mancaran pas de tirar l’aurelha e l’uèlh als collecionaires e lectors avisats que setz totes.
e zo !
òsca !
Commentaires
Η δραχμή στα εφηβικά της χρόνια αποκαλούνταν το Φραγκο (έχω φράγκα= έχω λεφτά). Το Φραγκο έγινε ευρώ και η δραχμή επίσης. Τα φράγκα έφυγαν απο την τσέπη και πήγε ταξίδι στους παραδείσους. Οι πεθαμενοι μήπως ξαναγυρίζουν;
'Ελλα Μαρία,
Ποια ωραία επίσκεψη!
Σ'ευχαριστώ για αυτές τις σημαντικές λεπτομέρειες: περνά τα πάντα και όλα παραμένει...
un poton !
E be ieu, franc e tot, i vòli plan anar al paradis, με την Μαρία ! Per sauvar l'eurò, la dracma e tot çò que voldrà. Sufis d'o me demandar francament e z'o.
E ben ieu, pecaire, amb totas aquelas gregalejadas, i ai mancat de pauc de m'i pèrdre lo latin ! Pasmens, voldriái prepausar, tant qu'es ora, una psicanalisa en règla del nombre exacte de paginas de l'edicion originala sotmesa a referendum davant l'amassada anacionalitària de Sant Jaumesp. de Camp d'Estelas. 1244 ? Aquò me rapèla l'annada que 250 escrivans de lolengo causiguèron de crevar en cantant lo reviscòl del temps que son pòble que vòl viure li abrandava lo brutlador jols pelses del cuol amb lo papièr de sos escrits inoblidables.
622, fin finala, totes los Cavalista de la Cavala de Viaur s'acordaràn per dire que 44 paginas de mai e i acabavem totes pel ras dins las ressusors infernalas…
Conclusions ? Pas qu'una ! Jaumesp. es un engènh d'Òc !
especiala dedicaça για την Μαρία :
"Τα φράγκα"
Ieu tanben i vòli anar al paradis amb η Μαρία, seriá pas que per sauvar la Revista soi prèste a tot (e lèste, e ardit).
òsca jaumesp. per nos far de prepausicions aital !
Quun blog !
Aquel grand document qu'es anonciat aicí es pas sens remembrar lo títol injustament desconegut d'Aristida Roqueta, "Las banas vanas del temps òrre, infinitiu asag sus l’influéncia de la dòna sus la pèrdia definitiva de çò ja conquistat e lo demai", seguit de "Castanhas e vin novèl, variacions revolucionàrias politeïstas e pansexualistas".
Felicitacions a jaumesp.
Avec ces Grecs il faut s'attendre à tout. Les princesses sont séduites par des taureaux, les francs se transforment en drachmes e duscas als euròs que passan per malhas de las pòchas falsas...
D'ici à ce qu'ils transforment notre Grand jaumesp. en danseur de zembeïkiko sus qualqua platja d'una illa perduda i a pas luènh : una intervencion divina seriá plan venguda per empachar lo daquò's. Caldriá benlèu far un grand passa-carrièra a Carcassona per cridar los diusses ?